چئویرن: میانالی علیرضا
ترجمه: میانالی علیرضا
میانالی علیرضا
00:00
00:00

بو گون هئچ بیلمیرم نه اوچون، نه‌دن
اوره‌ییم یئنه ده تالان اولوبدو.
بلکه ده بودا وار، بو گون هارداسا-
منی ده بیر یادا سالان اولوبدو.

قولاغیم سسده‌دیر، گؤزوم یول چکیر،
ائله بیل ایندیجه سن گله‌جکسن!
هئچ نه اولماسادا شک‌سیز، شوبهه‌سیز
منیم بو حالیما سن گوله‌جکسن!

نه اولار، گول، گوله گولمک یاراشار،
تکی ائله ائتمه دونوم ایچیمده!
ائله گل، ائله گئت، ائله دولان کی،
قوی باری آلیشیم یانیم ایچیمده!

یانیم اؤز اودومدا، اؤز آتشیمده،
سنین یاندیرماغین گره‌ک اولماسین.
هانی بیر حقیقی سئوه‌ن سؤیله کی،
تپه‌دن- دیرناغا اوره‌ک اولماسین؟!

اینان بو سئوگیمه، اینان عزیزیم،
اؤزوم اؤز ایچیمده اونودولموشام.
باشقا سؤز دئمیرم، دئمیرم سنه
اؤزومو اونودوب من سن اولموشام.

بو گون هئچ بیلمیرم نه اوچون، نه‌دن
اوره‌ییم یئنه ده تالان اولوبدو.
بلکه ده بودا وار، بو گون هارداسا-
منی ده بیر یادا سالان اولوبدو.

چاپ

دیدگاهتان را بنویسید

نشانی ایمیل شما منتشر نخواهد شد.

بوگون

میانالی علیرضا
www.ishiq.net

آذربایجان ادبیات و اینجه‌صنعت سایتی

بوگون

میانالی علیرضا
www.ishiq.net

آذربایجان ادبیات و اینجه‌صنعت سایتی

بوگون

میانالی علیرضا
www.ishiq.net

آذربایجان ادبیات و اینجه‌صنعت سایتی