چئویرن: ع. ن. چاپار
ترجمه: ع. ن. چاپار
ع. ن. چاپار
00:00
00:00

اوووی…. بو یوللاردان
ع. ن. چاپار

یوللارا گؤزلریمیز باخا-باخا،
یوللاردا گؤزلریمیز آخا-آخا،
بؤیروموزده دایانمیشیق-
ایکیمیزده، بیر – بیریمیزین!

اوزاقلاشیریق یوللار اوزونو،
ایشگه‌لشیریک اوجقارلاردا-
بیر سامان تئلی تک،
و برباد اولوروق هر اسن یئله؛
بیزیم حیاتیمیز بئله،
یاشامیمیز دا.

یازیقلار بیزه،
یازیقلار هر ایکیمیزه.

گؤزلریمیز اوزانیر…
– نه قده‌ر اوزون –
تیفانی وئران اولسون
بو اوجسوزون!

گؤزلریمیز قیییلیر
قیییق – قیییق،
اوووی…. بو یوللاردان
نه قده‌ر اویوق!
نه قده‌ر اویوق!

بؤیور – بؤیوره دورموشوق،
اورتامیزداکی فاصیله –
چینیمیزین اونباسی‌لا باسیلیب؛
گؤزلریمیز آسیلیب –
بو یوللاردان،
او یوللاردان…!

چاپ

یک پاسخ

  1. دوستلار چاغیمیزین شیمبورسکا، بوکوفسکی، براتیکان ، گینز برک لورکا، ناظم ، و‌..لر کیمی دونیا شاعرلرینین شعرلری نی اوخوسالار، سوبژکتیو اورتاملار دئییل، اوز یاشادیقلاری توپلوم ایله چئوره لرینده کی باش ویرن رئال اولایلاری شاعرانه تجروبه لریندن دولایی شعرله شدیررلر.

دیدگاهتان را بنویسید

نشانی ایمیل شما منتشر نخواهد شد.

اوووی…. بو یوللاردان

ع. ن. چاپار
www.ishiq.net

آذربایجان ادبیات و اینجه‌صنعت سایتی

اوووی…. بو یوللاردان

ع. ن. چاپار
www.ishiq.net

آذربایجان ادبیات و اینجه‌صنعت سایتی

اوووی…. بو یوللاردان

ع. ن. چاپار
www.ishiq.net

آذربایجان ادبیات و اینجه‌صنعت سایتی