چئویرن: حسن ریاضی (ایلدیریم)
ترجمه: حسن ریاضی (ایلدیریم)
حسن ریاضی (ایلدیریم)

سیرلی-سوراقلی یول‌لاردا
حسن ریاضی(ایلدیریم)

گونلریمین بویو-
گوندوغاندان آیدوغانا،
کؤنلومده بولاق ایچیملی ایستک‌لر
گؤز‌لریمده سئرچه اوچوملو دیلک‌لر.
آی سوراقلی گونش‌له
قارا گونئی‌دن، آغ‌گونئی‌یه باخا – باخا
گون‌‌لری گوندوزلردیم.

گئجه‌لریمین بویو-
آی‌دوغاندان گون‌دوغانا،
آی شافاغیندا گوموشلنیب
گونش شافاغیندا قیزیل‌لانان
گونش سوراقلی آی‌لا
گئجه‌لری گئجه‌لردیم.
اویاناردیم
سحر سو‌لاریندا اولدوزلار آخارکن
آلما دادلی، ناغیل بیچیملی گئجه‌لریمدن،
هئیوا قوخولو، قوش اوچوملو گوندوز‌لریمدن
یول‌لار کئچردی،
سیرلی – سوراقلی یول‌لار؛
گؤز‌لریمدن باشلانیب
اوزاقلاردا هاچالانان بوداقلی یول‌لار؛
هاراسا سسله‌یردی منی
اووسونلو سئودالار،
سیرلی صدالار!

سیرلی- سوراقلی یوللارا چیخدیم،
قانلی – قادالی گون‌‌لری
سیزیلتیلی گئجه‌لری-
گئییندیم
سویوندوم
یاندیم
سویودوم؛
گولوشو، دوداقلاریمدان سویدولار
سؤیدولر…
آرزولاریم، ایستک‌‌لریم، سؤز قینیندا
اوره‌ییم‌کؤز قونداغیندا
ییخیلمیشام
دورموشام
دورموشام
ییخیلمیشام
یورغونام، یورغون.

سحر‌لرین شفقلی سو‌لاریندا یویونوب،
سحر یئل‌لرینده قورونوب
شفق واختی دان یئرینه سریلمک ایسته‌ییرم،
شفقه بورونوب اؤلمک ایسته‌ییرم!
۱۳۷۶

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

سیرلی-سوراقلی یول‌لاردا

حسن ریاضی (ایلدیریم)
www.ishiq.net

آذربایجان ادبیات و اینجه‌صنعت سایتی

سیرلی-سوراقلی یول‌لاردا

حسن ریاضی (ایلدیریم)
www.ishiq.net

آذربایجان ادبیات و اینجه‌صنعت سایتی

سیرلی-سوراقلی یول‌لاردا

حسن ریاضی (ایلدیریم)
www.ishiq.net

آذربایجان ادبیات و اینجه‌صنعت سایتی