سیرلی-سوراقلی یول‌لاردا
چئویرن: حسن ریاضی (ایلدیریم)
ترجمه: حسن ریاضی (ایلدیریم)
حسن ریاضی (ایلدیریم)
00:00
00:00

سیرلی-سوراقلی یول‌لاردا
حسن ریاضی(ایلدیریم)

گونلریمین بویو-
گوندوغاندان آیدوغانا،
کؤنلومده بولاق ایچیملی ایستک‌لر
گؤز‌لریمده سئرچه اوچوملو دیلک‌لر.
آی سوراقلی گونش‌له
قارا گونئی‌دن، آغ‌گونئی‌یه باخا – باخا
گون‌‌لری گوندوزلردیم.

گئجه‌لریمین بویو-
آی‌دوغاندان گون‌دوغانا،
آی شافاغیندا گوموشلنیب
گونش شافاغیندا قیزیل‌لانان
گونش سوراقلی آی‌لا
گئجه‌لری گئجه‌لردیم.
اویاناردیم
سحر سو‌لاریندا اولدوزلار آخارکن
آلما دادلی، ناغیل بیچیملی گئجه‌لریمدن،
هئیوا قوخولو، قوش اوچوملو گوندوز‌لریمدن
یول‌لار کئچردی،
سیرلی – سوراقلی یول‌لار؛
گؤز‌لریمدن باشلانیب
اوزاقلاردا هاچالانان بوداقلی یول‌لار؛
هاراسا سسله‌یردی منی
اووسونلو سئودالار،
سیرلی صدالار!

سیرلی- سوراقلی یوللارا چیخدیم،
قانلی – قادالی گون‌‌لری
سیزیلتیلی گئجه‌لری-
گئییندیم
سویوندوم
یاندیم
سویودوم؛
گولوشو، دوداقلاریمدان سویدولار
سؤیدولر…
آرزولاریم، ایستک‌‌لریم، سؤز قینیندا
اوره‌ییم‌کؤز قونداغیندا
ییخیلمیشام
دورموشام
دورموشام
ییخیلمیشام
یورغونام، یورغون.

سحر‌لرین شفقلی سو‌لاریندا یویونوب،
سحر یئل‌لرینده قورونوب
شفق واختی دان یئرینه سریلمک ایسته‌ییرم،
شفقه بورونوب اؤلمک ایسته‌ییرم!
۱۳۷۶

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

صلح

سیرلی-سوراقلی یول‌لاردا

حسن ریاضی (ایلدیریم)
www.ishiq.net

آذربایجان ادبیات و اینجه‌صنعت سایتی