گؤیلر بارماقیمدان سو ایچیر آرتیق
گؤیلر بارماقیمدیر
بارماقیم گؤیلردی
گؤیلر بارماقیمین شهادت سونراسی‌دی!
هانی دؤرت باغیرلی باغلی آغ مستطیل!
هانی آلنیندا ساواش سطیرلی گؤی مئدیالار!
هانی باریت شکیللی قیزجیغازلار اوف…
هانی دوشونجه پیلانلی لیلاسی!
توراخای هایلاسی
بایقوش قارقاسی!
هانی
هانی
ه
ا
ن
ی… !
کؤینه‌یینی هاردا آلدیلار اینیندن
اینیندن آلدیلار هاردا کوینه‌یینی
آلدیلار اینیندن کؤینه‌یینی هاردا
هاردا کؤینه‌یینی اینیندن آلدیلارررر!
بارماقیمی پنتاقون تیکیرلر
بارماقیمی حرا کؤهولو
پتروناس بورجو
ورشو دکلی
پرئنسئس بانلیسی
گؤیلر بارماقیمدی
بارماقیمین گؤزونه گیردیم
بیت دوشوب کیلکه‌مه
بورا گلسن یال یاللی یالنیزجالی گل
ال آپار آللاهین ایشینه
ایکی قوللار آرا یارامی دمله
ایکی فینجان «وطن» ووراق کئفلیجه‌سینه
بو شعیری ایپله ایپکله گئی
میصراعلاری چیمیزیر ترینه
… و من ساری کؤک سپیم تئللرینه.
1393/۹/۲۱
2 پاسخ
سلاملار سایین شاعیر مسعود ایسلام بئی
اوزاقدان اوپوب باغریما باسیرام .
همچنین اعلا یوکوملو شعیرلرینیزی هر زامان و هاردا گورسم اوخویوب قویارام گوزوم اوستونه . و جان قوربان
شئعیرینیزی دؤنه‌لر اوخویوب لذذت آپاردیم وار اولون سایین دوکتور.