چئویرن: ایشیق
ترجمه: ایشیق
ایشیق
00:00
00:00

وطن!
حیدر آرازلی

دونیادا نه قدر سئوینجیم اولسا
سنینله پایلاشیب بؤله‌رم وطن!
اوستونو چن توتوب دومانلار آلسا،
اوچوب امدادینا گله‌رم وطن!

باغیم- بوستانیمسان، گوللو گولشنیم،
دوغما دیاریمسان آنا وطنیم؛
سئوینجیم سنیندیر کدرین منیم،
گؤزوندن غم یاشین سیله‌رم وطن!

قویمارام کؤنلونو داغلاسین یاغی،
سینه‌ن اوسته چکسین داغ اوستن داغی؛
تاپداق ائتسین گؤزل آنا تورپاغی،
دوشمانین باغرینی دله‌رم وطن!

باخ، نئجه اوره‌ییم دوشوبدو درده،
وصالین خیالی دولانیر سرده؛
چاره‌سیز اولاراق بو غربت یئرده
هیجرینده گؤز یاشی اله‌رم وطن!

آیریلیق داشینی آتا بیلمه‌سم،
ایستی قوجاغیندا یاتا بیلمه‌سم،
«حیدر»م من سنه چاتا بیلمه‌سم،
سنسیز سیزیلدارام، مله‌رم وطن!
آنا- آنا دئییب اؤله‌رم وطن!

چاپ

دیدگاهتان را بنویسید

نشانی ایمیل شما منتشر نخواهد شد.

وطن! / حیدر آرازلی

ایشیق
www.ishiq.net

آذربایجان ادبیات و اینجه‌صنعت سایتی

وطن! / حیدر آرازلی

ایشیق
www.ishiq.net

آذربایجان ادبیات و اینجه‌صنعت سایتی

وطن! / حیدر آرازلی

ایشیق
www.ishiq.net

آذربایجان ادبیات و اینجه‌صنعت سایتی