شعرلر
چئویرن: ع. ن. چاپار
ترجمه: ع. ن. چاپار
ع. ن. چاپار
00:00
00:00

شعرلر
ع.ن.چاپار

(۱)
اؤلدورولن دویغولاریم –
اؤلدورولن کؤرپه‌جه‌لیییمدن
ایندییه‌دکلیییمین
آن با آن کئچیریلدییی وارلیغی!.
اؤلدورولن یالنیز
و یالنیز …
تکی، منمیشم دئمه!.
– اؤزوم –
و ساده‌جه
شاعیرلیییم
و پولتیکالی هئیوه‌رم!!! .

(۲)
اللرینی آلاجاغام الیمده،
گرزلرینه باخاجاغام دریندن؛
دریندن سئزه‌جه‌ین –
منه ساری دویغولارینی!
گؤزلرینده جوماجاغام بئله‌جه
اوزمک باجارمادان بیر سوزمان کیمی…
بوغولماق ایسته‌ییرم؛
نئجه دئییم؟…
بوغولماق!!
بودا تکی –
منیم حاققیم ،
منیم ساییم‌دیر!
دوشونسه‌نه
دوشونسه‌نه؟!
دریندن سئزه‌جه‌یم…

(۳)
بیری دئییر:
بوغولاریق، اؤله‌ریک
هاواسیز، آنجاق!.
بیری ایسه:
دوز – چؤره‌کسیز
دئییر، دوزو!.
سؤزسوز،
من ده اینانیرام
بونا یقین.
هاواسیزلیق
بیر لحظه‌ده بوغار بیزی.
دوز – چؤره‌ک‌سه
سوروندورر دیزی – دیزی،
اولمایاندا!.
لحظه – لحظه بوغولاریق، لحظه‌لرده،
لحظه – لحظه اؤله‌ریک
دوز – چؤره‌کسیز
هامیمیز بیز!

(۴)
واراق کیمی تؤکولور
یارپاق – یارپاق آغاجلار!
گؤی بولوتلاردان
مرکب ساغیر.
دردلی – دردلی
اینسانلارین محنتینی
یازاجاقدی یئر…
بوندان بئله
بوتون گؤزلر –
اوخویاجاق اینسانلاری،
دردلریله!
دینر – دینمز،
ایسترسه یا ایسترمه‌مزدن!

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

شعرلر

ع. ن. چاپار
www.ishiq.net

آذربایجان ادبیات و اینجه‌صنعت سایتی