اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: حبیب فرشباف
ترجمه: حبیب فرشباف
حبیب فرشباف
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

hebib
ساوالان
حبیب فرشباف

 ساچ- ساققالی زمانلار الی‌له بویانمیش آغ،
سن ای بو اؤلکه‌نین دایانیشدان نیشانه‌سی!
ای یول- جیغیر گؤتورمه‌ین ای افتخارلی داغ!
ای کئچمیشین زمان ییخا بیلمز فسانه‌سی!

قالدیرمیسان الینده سرین، گؤی پیاله‌نی،
ساغلیق دئیه اؤزوندن اوزاق اولدوزا، آیا!
یوخسا ایناندین اینسانا سن، آلمیسان اله
ساغلیق دئیه، باشیندان اوجا مرد اوغوللارا؟

یارمیش بولودلاری، گؤیه قالخمیش او زیروه‌نه
قارتاللارین الی چاتا بیلمز، ناغیل قوشار.
زحمت چکن، فقیر، داوا درمانسیز ائل‌لره،
اون‌لار شفالی ایستی سویون کوکره‌یر، جوشار.

قاققیلداشیب، سیره‌م سوزولن، یازدا دورنالار،
گؤم- گوی، چیچکلی دوزلرینه آه چکر باخار.
دؤزدوکده اودلو قامچیسینا سن بولودلارین،
گورگور بابا، بوینونا گؤی قورشاغین تاخار.

آچ سوفره‌لر دؤشه! یئنه یازدیر قوناق گلیر،
قوی ائل‌لرین آغیر سوروسو گلسین اوتلاسین.
اؤز دوغما ائل‌لرین اته حسرتده قالسادا
املیک قوزو، شیشلییه قویروق دا قاتلاسین!

ساروان کیشی! گل آستاجا چک سن قاتارینی،
سوسسون بیر آنلیغا دره‌لردن آخان سولار.
چالسین بورول گئده‌ن دوه‌لر غملی سازلارین،
قوی چاغلاسین اورکده یاتان چنلی آرزولار.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *