سؤز: نادر الاهی – سس: بهروز صدیقی
بیر یانار چیراغدی، سؤنر چیراغدی
بیر باخیش الوداع، بیر باخیش سلام
یاری یوخولویدی،یاری اویاقدی
شیلتاق ائیله‌ییردی بلکه ده بالام !
الیمی اوزاتدیم او گؤروشمه‌دی
دئدیم ارکویون‌دی،اولسون نه دئمک
منله گؤروشمک‌چون یئره دوشمه‌دی
اؤپدوم آیاغینی گول یارپاغی تک
عؤمور گون باغچامین او چینار پایی
بیر بوی دا اوجالیب قاناد آچمیشدی
آیاغی ایستی دی آخی چارپایی
آیاغی آلتیندان تازا قاچمیشدی
