تبریزیم
هریزلی
دولان با دولان کوچه لریندن
چکیلمیر کیفلنمیش دومان.
تؤزلو و هیسلی
نوودان بوزلاری نین-
عؤمرو بیر فصیل یوخ،
بیر نسیل دیر.
قارا گیله لر
قارا گؤزلوک لر آرخاسیندا دالدالانیر
هاوا
زهرلی بیر قهر کیمی
دوستاق اولموش بوغازیندا.
بعضأ منی ده
آلداتماق ایسته ییر
تهرانین ایلیق هاواسی.
آمما
اوره ییم
سارماشیق کیمی ساریلیب
ساعاتی نین ثانیه لرینه
عزیزیم
تبریزیم
بهمن ۱۳۹۰
2 پاسخ
عزیز خالق شاعیریمیز شعرلریندن چوخ لذت آلدیم و بیر باشقا صایفادا سیزی تانیتماق آماجی ایله دوستلاریملا کی هاممی سیدا تورک دو پایلاشاجاغیم البتته اگر ایذن وئریرسینیز.
یاشاسین شاعیر دوستوم هریزلی.چوخدان ایدی کی هریزلی موعللیمدن بیر یئنی شعر اوخوماق ایستردیم. شاعیر هریزلی، بیلیرم کی سیزین اوره یینیز نه تکجه تبریز،بلکه بوتون آذربایجانیمیزا ساریلیب و حتی اؤز دوغما یوردوموز هئریزه. عشق اولسون…