سنسیز
حبیب فرشباف
ائکیز دوغولموشدو ایشه، زحمته
حیاتین یاشیل‌لیغین
بوداق- بوداق یاشامیش؛
×××
وریان اوسته بیر فانیس،
یوخوسوز گؤزلری نئجه خومارلاناردی
اوینادیقجا یونجالار
سولارین آهنگینه.
دان یئری سؤکولرکن
شئح مینجیغینا دؤنوب
آلین ترین قوناردی
چیچکلرین رنگینه.
×××
قلمه‌لر بویلاناجاق یوللارا
هر باهار گلرکن،
تورپاق قولاق یاتیرداجاق آیاق سلسلرینه؛
آغاجلار موچور – موچور
اللری‌نین قاباریندان اوماجاق.
گؤی اوتلارین دوداقلاری
قیزدیرمادان جادار- جادار اولسادا،
کیمسه، یی‌یه دوریاماجاق سن گئده‌لی،
۲۳/۱۰/۷۶
