ع. یالچین
سنسیز
آلیب سنی مندن آپاردی یول‌لار
حسرت چیچک‌لندی کؤنول باغیندا.
بیر زامان اوزونه آچیلان قول‌لار
بوینو بوکوک قالیب غم اوتاغیندا.
قولاغیم تامارزی شوخ قهقهه‌نه،
سسیم نفسینله قیزینمیر داها.
یول‌لار غریبسه‌ییب آیاق سسینه،
باخیشیم کولگن‌له گزینمیر داها.
سنسیز پوچورلامیر نار آغاجی دا،
شیلتاق لپه‌لرده سوسوب دانیشمیر.
سسیمه سس وئره‌ن قاغایی‌لاردا
مندن اوز چئویریب، کوسوب دانیشمیر.
یولونا چیله نیب گوزومون نورو
هر آیاق سسینه دیک دیکسینیرم.
قلبیمدن قلبینه اوجالان یولو
نییه گئدنمیرم, نییه؛ بیلمیرم!
