بوتون دونیا منیمکی‌کن، غم و غصه‌م ندن‌دیر بو؟
ازلدن غم ترابی‌له، یوغورلانمیش بدن‌دیر بو؟
(؟؟؟)
آغ گونومون گونش توتار یؤنونه-
قارا غم‌لر کؤلگه‌سینی سالمیشدی.
یاز گونویدو، یاغیش‌لاریم یاغیردی،
قارا بولوت داغلاریمی آلمیشدی.
دئدین ندی، گمی‌لرین غرق اولوب؟!
بو من، بو یاز، بو یاشیللیق، بو هاوا…
دوداغیمدا چیچک آچان مین گولوش
بیر بالاجا غمی باجارمیر قاوا؟!
من نه دئییم؟ اؤزون یاخشی بیلیرسن
گولوشونده گولوش‌لریم دوغرولوب.
دی گلدین؟ یئلگی الیمده دئییل،
بو اوره‌کدیر، اوره‌ک غمله یوغرولوب.
اورمو – ۲۳/۱۱/۱۴۰۳
