تبریز قارداشی‌نین هاواسینا
دوز سپیر اورمو
او گوندن کی
«بابا باغی»نین خسته‌خاناسینا «شیمشک» دوشدو
ایچین- ایچین گولومسه‌ییر «ارک»
«اَمره قیز»ین باشینا دولانیر «ائینالی»
دونیانین آغری اوجقاریندا
کیتاب یانیغی‌دیر تبریز
قارانلیق «دولان با دولان»لاریندا هله ده قورشون گیلیز*لری گؤینه‌ییر؛
بونونلا بئله
چادیرا کؤلگه‌سینده آغاجلانیر دینجلیکلر
هله ده قونوتلارینا سارینمیش گؤی تانریسی‌نین
ماوی سوچلاریندا بویلودو چاخیر کوپه‌سی
هله ده صراط‌المستقیم تبریزی
اوخشاییر «مارالان» قیزی…
*فیشنگ پوکه‌سی
یک پاسخ
بیر نچه سوزلرین معناسی یا بوکی اوخوماغی تبریزین دیییشینن فرقلیدی لطفا اولموش اولسا اولارین روان دیییشین و ساده معناسین شعرین قورتولانیندا توضیح وئرین.
تشکر الیرم و موفقیت آرزیلیرم.