اوغولداییر قولاغیمدا نغمه‌سیزلیک
یالین قالیر چرچه‌وه‌ده آرزولاریم
یاری اولدوم،
یاریمادیم
یاریم قالدیم.

یاراشیقلی اومودلاریم
داملا-داملا لپه‌لندی
دنیز-دنیز دالغالاندی
سن دئمیشکن
ماویلندی-یاشیللاندی، چالخالاندی…

کئچمیشده‌کی سیررلی گونلر
هردن بیری خاطیرلانیر
هردن بیری آت اوستونده دؤرد ناللانیر
ایتیب، باتیر:

بیر کوچه ایدی دؤشلریمده
سن ده واردین
آغاجلاردان آسلاناردی قیزیل آلما
یادیندامی؟!..
کسیلدیلر بوداق-بوداق
سن ده گئتدین
آرزیلاریم تامارزیلار اوجاغیندا
یانیب گئتدی
باشسیز قالان شام آغاجی
یاشیل-یاشیل
اؤلوب گئتدی
سن ده یوخسان
آرزیلاریم قونچا-قونچا
ساورولوبان، سولوب گئتدی…