کیم اکدی بوآغاجلاری؟!
آغاجلارین باری اؤلوم.
بوآغاجلارکؤلگه‌سینده
یاری قورخو، یاری اؤلوم.

آغاجلارین بوداغی یوخ،
یاشیل- یاشیل یارپاغی یوخ،
قابیغی یوخ، قانپاغی یوخ،
اینینده پالتاری اؤلوم.

بوتون قوشلار سانکی اویموش،
بیر قوجا بایقوش اوتورموش،
اولاییر هر سحر بایقوش،
دیلینده شعاری اؤلوم.

بو آغاجلار اؤلوم ایزی،
گل دئیه چاغیریر بیزی،
باشدا گؤرونور قیرمیزی،
ایاغیندا ساری اؤلوم.

ال گؤتورمور اینسانلاردان،
دویمور تؤکولن قانلاردان،
نه ایسته‌ییر جوانلاردان؟!
قاری اؤلوم، قاری اؤلوم.