آخ بیلسه‌نیز،
بیلسه‌نیز،
تورپاق‌لار گؤردوم
تورپاق‌لار گؤردوم
تورپاق‌لار گؤردوم
گون چیخاندان گون باتانا
انگین دوزنلرینده سؤزدن بیتر
بولودلو گئجه‌لرینده
بیر گؤزلو اولدوز باخماز گؤردوم
کیشی‌لر ائو قورماقدا
قادین‌لار اوجاق باشیندا.

هانسی تانری‌نین قارغیشینا گلدی بو یورد؟!
کیمسه بیلمز.
سؤز تانرییدی‌سا
ایتمیشدی تانری‌نین اودوملو اتک‌لری
نه دیلده دیل قالدی
نه ائلده ائل…
یازی داشلاریندان ائو قورولدو
دده‌لرین سومویوندن اوجاق!
آخ، هئی اولو تورپاق!