اوره‌ییمدن داش آسلانیر
یئردن یونگول، گؤیدن آغیر.
آهیمدا آللاه ایسلانیر
یئردن یونگول، گؤیدن آغیر.

قوشلار جورولدویور سنی،
خیاوانلار هورور منی،
دردیم داریخیر وطنی
یئردن یونگول، گؤیدن آغیر.

جانیم چیخیر یاز آیغینا،
اؤلورم آراز آیغینا،
سؤزوم قالیر ساز آیغینا
یئردن یونگول، گؤیدن آغیر.

گؤیسومده عوصیان اولویور،
منی بوز قوردلار قویلویور،
قبریمی سوکوت سولویور
یئردن یونگول، گؤیدن آغیر.

قوی منی «توفان» اونودسون،
باش داشیمی شعریم یوسون،
مزاریمی یئل قورودسون
یئردن یونگول، گؤیدن آغیر.