یوخولاریم
سنی گئدیر یاخاسینی یوللاردا
یوللار،
مئتافورما شکلینده فلسفه
اینام دونوندا دویغو
امام خیالیندا اویخو…
یوخولار
اَینینه گئییر آغاجلاری
سنی گؤرور آغاجلاردا
یوخوسون آلیر
دون کیشوت
خاراختئرلرینده
تَرینی سیلیر سطیرلرینده
و دینجه‌لیر سنی یورغون ماتئریاللار
دلی جین پارالئللر
عطش بوینوزلو سئللر
…و اؤلولَری آلین چالان گلین‌لر
آهئی … باشینی آغرایان فلسفه دراقونو
اؤلوم صوفیسی …
کووالانسی باغلانتیسیندا سنی گئدیر شعیریم
مولکوللار آلزایمئرینی کوسور
یاغیش کربونلوقوندا
«پروس»ون پاییز دونلوقوندا
پروتئستانلیقیندا
دینج آلیر «مسیح» سنی
شعیرینه «انجیل» سورونور
و آیه‌لر سوره‌لَنیر…
هه… ای چیزگیلر شاعیری
سوره‌لر تیکیلدی واتیکان خیاوانلاریندا
لاوی‌لر یوخلاشدی مچیدلری
موسلیمانلار گؤزلرینی آپاردیلار واشینگتونا
اللرینی یووا تیکدیلر بیزده
مایاکوفسکی‌نین «بولود گئیمیش شالوارینا»
ایتالیالی یاخاسی گیریان ماریا آنتوماچین‌یایا ۲
یارامی دارام توت ای شاعیر
شه‌هر گولله‌ییر سنی یوخوسونا
گؤزلریمیز قارلامادان
کوچه‌لر دیابت توتوب بوردا
آغاجلار برونشیت
گؤیلریمیز گونش یاسلیدیر
تورپاقیمیز قاسیرغا توی‌لودو
قیزلاریمیز قابان بویلو
هله گؤبه‌یی کسیلمه‌ییب کیشیلرین بوردا
یوللار آرخاسی اوسته‌دیر
توراجلار گامیش هوروشلو
و گونشلر سنی یویورلار اسکئلئت گئجه‌لره
بوکوحرام قارقیشلارا
سلامسیز باشینی کسیرلر
صلواتسیز نعشینی …
آه … بوراسینی تانریلاشما، ای جاناسی
بوراسی منم‌م‌م‌م‌م‌م‌م‌م… من
«خان بَه‌ییم ۳»ین کسیلمیش که‌کیلی
چؤللرین سورگون فصیلی
سولمازین پَلته‌ک دیلی
نازلی‌نین کوله‌کلی بیرچه‌یی
سنی اولماماقیم گلیر بوراسینی، هئیییی…
تانریلاشما منی …
بوراسی بورا …
بورادا
آغریماز باشیما ایتی باغلادیم
اسیر آپاردیلار باش آغریمی
مزار تیکدیلر مندن آه…
اؤلوسوز قبریستانام ایندی
آدامسیز پایتخت
چیغیر، باغیرسیز شه‌هر
و+ط+ن+سیز شاعیر
یعنی سویوق بیر دَییرمانام
شؤونسیز بیر اؤلو
تام یئتیملرین ساغیری
من بئله شاعیرم هئیییی !
بئله‌سی بیر یورغون نیفرینچه، ای نیچه
سنینله‌نم آهئییییی !
فیلسوفلار کیرالی
وطنسیز امپراطور
بلی
بوراسی
بورادا قهبه‌لر
هاشور دؤیورلر بوغازلارینا !!!
تاتو چکیرلر قوللارینا
تام ماکئت‌دی بدن‌لری
سو چکیبلر آزغین کیشیلره
«هرگئجه بیرینه کرایه گئدیرلر»
آماندی…
بوراسی اولما تانریسی، قانقاریسی، بوراسی…
اُم‌الفریبا اویناشلارینا حارام دوغوزلوقدور
حاللالجاسینا حارام کندی
حارامجاسینا حالال شویولر دوغرانیلان مملکت
نه سوئیس‌دی بوراسی و نه‌ده آلمان
بوراسی ای… راندی
بوراسی یمن چؤللویودی
اَشکلون دا گوزلری باغلی کوچه‌لر
اورشلیم‌ده دوستاق بیر تانریجیق
اُم الفحم‌ده قاریجیق قیزلار
باغری چارتلامیش اُم الهاجر
اؤزونده بوغولموش مککه
گؤزلریندن آسیلمیش مدینه
قادالی غززه
باشی قولتوقوندا تبریز
دیزی قوجاقیندا کابول
کربلا قانلیقیندا روقییه
عربیستان داغلاریندا حنظله
و « احمدآوا» یاماجلاریندا « بَه‌ییم »
بوراسی سن اولما، گل…
بوراسی منم ای فلسفه تانریسی نیچه !
ای… دویغو پیغمبری
ای… ماویلرین میتالیک امامی
هه …
بوراسی منم
آ
خ
ی
ر
ا
م
آخماجاسینی آلزایمئریمده
دیابئتمین آلین تَرینده، کانسئرلییمده
اوه … اوه … اوه…
بوغون، شعیریمین تورک ایلاهه‌سی‌دی
جسدینی نفس چکیرم شعیر سئودیجه‌ییم
و …
هه …
بئله دردلریمله کئفین نئجهههه دی ؟
شعیرداشیم
کئفلی نیچهههه…
من بئله دردلرین شؤون شاعیری‌یَم
حسرتلر دامازلیقی
داریخمالار ایگیدی
منده کربلا قانلانیر
کوفه اوفولتولوسونو قاشینیر
70 پیغمبر مزارسیزدی منده
بایقوش سئرچه‌لرین اوچوش کفنی‌یَم
یارالی گولله‌یه‌م آنام کؤینه‌یینده
خانیم‌قیزین یایلیغیندا… لیماندا
سو جنازه سینی زارییان بالیقدا
یعنی بومنم،نم،م،
بومنمممممم
آختالیقیمی توی توتدولار
تهراندا صالاوات ت ت بانیلَری
ایت زمی سینین تولکو بازاریندا
دوغوز کره‌سینی اوتدوردولار منههههههه
قاطیر سودویوندن شاراب ایچدیم
یئریمی آغاجدان سالدیلاررر
اوستومو کوله‌کدن باسدیلاررر
و آغلادیم بوراسیندا مملکتیمی‌ی‌ی‌ی‌ی‌ی‌ی
اوراسیندا سنی‌ی‌ی‌ی‌ی‌ی
من یازیق گونلرین پیچاقلانمیش دَوه‌سی‌یم
بالتالانمیش گؤورچینی‌ی‌ی‌ی
تام زارینجی‌یام
بو نارینجیلیقدا
کامیلبایجانام
یعنی:
آزربایجان
بو منم م م م م م م م م م م
ای‌ی‌ی‌ی نیچه.
1388/۸/۱۹
2 پاسخ
سایتی دولاندیرانلاردان منیم تنقیدی باخیشیمی گولونج تحت بررسی سانسورلاریندان کئچیرتسینلر دییه گوزله میرم…جدی تنقیده قارشی باخیشلارینی بیلیرم…
شعرین ابدی روکنو اولان روح، دویغو، جوشغوسوندان بوش بیر متن.یالنیز فیزیکسل- تاریخسل آدلاری سیرالاییب..یان یانا دوزمک…بیلرکدن ایچه ریکلری ، آدلاری دیزه لره سیراماق…آلت بیلینجدن بیلمیه رکدن جوشمایان دئییل، بیله رکدن یوکله نن ایچه ریکلر…نیچه فلسفه سیله دوشونجه سیله ایلگیسیز بیر مکتوب…