633559242895625000_423494_bol-bol-va-kalagh12
قارقا و بولبول
محمد احمدی‌زاده

قارقا:
قارقا دئیر قارقار
قفسده کی بولبوله
خوش سسیوین شؤهرتی
گزیبدیر دیلدن دیله
اگر او گؤیچک سسین
بیر داها سندن گله
اولدوغون او قفسده
قالمالیسان سن هله
گل منه تای قارقار ائت
زیندانیندان چیخ چؤله
اوندا اوچارسان گینه
باغداکی گولدن گوله
 بولبول:
قارقایا بولبول دؤنر
قارقارینا سس وئرر
چهچه اینین سسیندن
قارقا دا هوشدان گئدر
قارقا اولان بولبولو
کیم باغینا یول وئرر؟
هانکی باغین بولبولو
قارقا کیمی سس وئرر؟
بولبولون گؤیچک سسی
هر گوله بیر رنگ وئرر
باغدا دا گول بولبولون
خوش سسینه ایی وئرر

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4