doost
یاریش
ع.ن. چاپار

–  کیم چوخ قاچار؟ دئیه‌رک
دوستوم ایله، یاریشد یق.
دونن کوسموشدوکسه ده
بوگونلری باریشدیق.

بیزیم بیردیر یولوموز
مدرسه یه چاتینجان .
بیز بو یولو همیشه
اویناریق قاچان – قاچان .

ائله اوندا گؤره‌ریک
یئتیشمیشیک مکتبه.
من دوستوملا باریشدیم
ائله، باخ- بو نییته.

بیز تک اولاندا بعضا”
یوخویادا قالاریق.
اونونچوندور کی هرگون
مکتبه بیر چیخاریق.

بیز بو قاچیشدا هئچ واخت
اوتوب – اوتوزماریق‌دا.
سیزه سؤز وئریریک کی
دوسلوغو پوزماریق‌دا !.

 

 

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4