دوروم کیمین داشین آتیم،
کیمین داشی اله گلر؟!
کیمین داشین آتسام گؤرهن-
تئزلیک ایله دیله گلر؟
بیر داشیم وار ائله آغیر،
یئیهسینه باخما فاغیر!
کونجولردن آغ داش یاغیر،
داش دا گلسه بئله گلر!
قارداشین دا داشی واردیر،
گؤزو اوسته قاشی واردیر،
آغلاماز گؤز یاشی واردیر،
داشیم اولسا بیله گلر!
یاخشی اولسا یاراداردی،
تانری باجی بیر داداردی،
داشسیز، قومسوز یارا- یاردی،
اؤلنده کین سیله گلر!
دونیا دولو داشدی، داغدی،
قار یئرینه داغ- داش یاغدی؛
هر نه سایاق درد آیاقدی،
باشی داشلی ائله گلر!
داشلار اؤتن داش دئییل هئی،
کؤهنهلن یول داش دئییل هئی،
سؤز دئین سیرداش دئیل هئی،
اووسه «سازاق» یئله گلر!
