آرزوم گؤزومده قالاجایدی
سن اولماسایدین،
سن، سن، سن …
نه گؤزل اولدو
آرزوم گؤزومده قالماق یئرینه
گؤزوم آرزومدا قالدی؛
سن گؤزومون اؤنونده دوردون
گؤزوم سنده قالدی
سن آرزوم اولدون
گؤزوم آرزومدا قالدی
سنده.
یئنه آرزوم گؤزومده قالماقدان یاخشی اولدو یوخ!
سن، آرزوم!
آرزوم، سن! نه گؤزل
گؤزوم سنده قالدی
آرزومدا
ال چاتماز، یئنه چاتیلمامازلیق اولسا دا
یئنه ده یاخشیدی دئمزلر
یازیق، آرزوسو گؤزونده قالدی،
دئیرلر
گؤزو آرزوسوندا باخارگی قالدی
یئنه بو یاخشیدی
گؤزوم آرزومدا قالدی
سنده…
رقیه عبدیلی (سازاق)
چئویرن: رقیه عبدیلی (سازاق)
ترجمه: رقیه عبدیلی (سازاق)
سسلندیرن: رقیه عبدیلی (سازاق)
- شعر
- اوخوماق زامانی: < 1 دقیقه
- https://ishiq.net/?p=36070
چاپ
