گلیر ….
کامیل قهرمان‌اوغلو

ایندی … ایندی … و ایندی …\
گیلاس یارپاقلارینی گلیر او گونئی قیزی\گیلانار گؤوده‌لیینی\
اؤزونو سالیب گلیر او قیز\
اللرینی قالیب گلیر\
اؤزونو باشینا آلیب\
آیاقلاری قولوندا
و قوللاریندا نعشینی گلیر\
توی سالیبدی ساچلاریندا بویات شوونی\
ساچلارینین دوغوسوندا ۱۵۹ مقتول\
و قوزئی‌یینده ۱۵۸ قاتیل\
گلیر\تام باغچاجیقلارین بوغاز سرطانلیقینی\
یوللارین قولوندا روماتیسمینی\
و گوزگولر گونشلییینده توستولویونو گلیر
لیر
گلیر او قیز\
بایاقلارین ایندیسینده
گلمه‌میش گونلری\
بایاقلاییر ایندیسینه
آیاق توتمامیش اوشاق دونن‌لری\
گلیر سحر یوخ بیر گونده\
ساعات ۱۱رین آهیل لحظه‌لرینی
\ساعات ۱۲نین ۵۵ امپراطورلوقونو\منیم اؤلومومه\
آخشام ساعات دوققوزو گلیر اؤزونه
زارییر اوباجیقینی . . .
سوزالیب قالمیش شهره\چاغیریر گؤزلر دوئلینه
ژوپیتئری گؤیلر جنوبوندان\رافائلی یئرلر شیمالیندان
گلیر ۶ اؤلولرله بالئتجه‌سینه\ هر اؤلو الینده بیر قاراسیا گولو
\قیامتی گلیر بورا\محشر بوغاناقلیقینی\
گلیر او قیز\گلیر گؤوده‌سیزلیینی رئکلاملاسین شهر دیوارلارینا\
آهینی سرینله‌سین خیاوان آغاجلارینا\
کند تئلویزیالارینا\
هابئله اوفلاسین اؤزونو شهرسیز کوچه‌لره\
گلیر او\تام قاییتماسینی گلیمله‌مه‌دن گلیر ائله‌جه\
هاراسیز یئرلری گلیر او هاراسیز یئرلره\حارام اؤلکه‌لره\
ایمگه‌لنمه‌دن یارالارینی اووجونا تؤکوب\اؤزونو گیزلنیب اووجوندا آه …
ایندیدن ۹ دیقه سونرانی گلیر\۷ دیقه اؤنجه‌نی\
اؤزونو قویوب شهره\شهری آلیب باشینا
سسینده قاسناقی گلیر الینده قیسناقی
بوتون هاراسینی هاراسیزلیقا …

… ایندینی گلیر بایاقینی
۲۰۶۴ون آخشام اوستو یاغیشلیقینی
و ۱۹۴۸ین
نووامبر گونلرینی کوله‌یه گلیر
ای ای ای ایندینی گلیر
ایندی گلیر
دوننده ایندینی گلیر
صاباحدا ایندینی گلیر
بوگونده
گلیر
گلیر
گلیر
گ ل ی ر
اوووووو
قی ی ی ی ی ی ز
بایاق گلیر
ایندی گلیر.
۱۳۹۱/۵/۵

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4