n-davaran1
بیر کوچه گولوش
ناصر داوران

اوتورموشدولار سککی‌ده
کوچه‌نین های ـ کویوندن خبرسیز
اوچ یاشا دولمامیشدیلار بلکه
قیز جیغازین گولمه‌سی
ترجمه‌یه گلمز.
اوغلان بارماغین قیزین یاناغیندا گزدیردی
قیز گولدو
آدام‌لار گلیب کئچیردیلر
قیز دا گولوردو
من اونلارین یانیندا دورمامیشدیم سانکی.
اوغلان قیزین ساچین تومارلادی
قیزجیغاز یئنه ده گولدو
قیزین گولمه‌سینه
اوغلان دا گولدو.
بیر آزدان یئرلرین ده‌ییشدیلر
علت‌سیز، سورغوسوز.
قارشی‌داکی دیوار یئنی‌لشدیکجه
غریب دویغولار باشلادیلار اسمه‌یه
من گؤروردوم.
کوچه‌نین باشیندا
زامان یولو کسمیشدی
جئب‌لریمی یوخلادی
گؤوده‌مین هر یئرین.
گؤزلریم چکه‌ن فیلیم‌لری تاپا بیلسه‌یدی
ایندی سنینله پایلاشماغا
الیم بوش‌ایدی.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4