سیز سهو ائدیرسیز
بو سیسقا یاغیشین قاتیندا
جوشغون دنیزلر یاتیب
دلی چای‌لار؛
تورپاغین ایچ اوزونده
تومورجوق دا وار
قاینار اود دا.
مهربانلیغین مخاطبی اهل اولمالیدیر
سیز آخی کولک اولوب
چراغین گؤزونه دولورسوز؛
اولدوزون دادین هر یئتن بیلمز.

سیز عروض- قافیه کیمی بیر شئیسیز
آرزولارا ائن – بوی بویورماق
قانادی شیطان جئهیزی دئمک
بویوزا بیچیلیب،
دانیشیغیز
تمامیله قوراقلیغین تربیه‌سیدیر.

آقا! خانیم!
سیزجه گونده‌لیک‌لر چوخ یالان دانیشیر
یوخسا بیزیم بو لوطولار؟
هابیلی، قابیلی بوراخ
ایندی کیمین قانیندا
یاریم بیغلیلیق دوام ائدیر؟
۱۴۰۳/۰۹/۱۳