بوگون یکشنبه 29 فروردین 1400 ساعات 02:54
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

نفریتیمی بوز اوزرینه یازارام
(خرچنگ خسته‌ لیینه توتولان زمانه میزین بؤیوک یازیچیسی گابریل گارسیا مارکز ين دوست‌لارینا یازدیغی وداعلاشما مکتوبو)

چئویرن: حسن ایلدیریم

 

اگر تانریم بيرجه آنلیق، منيم کؤهنه بير قولچاق اولدوغومو اونودوب، منه بير پارچا حیات باغیشلاسایدی؛ احتمال کي، اوندا بوتون عاغلیما گلن‌لري سؤیله‌مزديم. بلکه سؤیله‌ديک‌لريم حاقدا دريندن دوشونرديم. منجه هر شئین دیري، اونا وئريلن ظاهري دیردن یوخ، داشیدیغی معنادان آسیلی‌دیر. اوندا آز یاتاردیم، گونومون چوخونو رؤیادا کئچيره‌رديم. اونسوزدا گؤزلريميزي قاپادیغیمیز هر بير دقيقه‌ده 60 ثانیه ايشیق ايتيریريک. هامی دایانارکن من یول گئدرديم. هامی یاتارکن اویاق قالاردیم. هامی دانیشارکن، من قولاق آساردیم. شوکولات‌لی دوندورما یئمکدن نه حظ کي آلمازدیم!

اگر تانریم منه بير پارچا حیات باغیشلاسایدی، چوخ ساده گئينيب گونشي قارشیلایاردیم. گؤزلريمي گونشين اوزونه ديکه- ديکه جيسميم‌له برابر روحومودا سویوناردیم.

تانریم! اوندا، سينه‌مده اوره‌یيم دؤیونرکن، نيفرتيمي بوز اوزه‌رينه یازار و گؤنشين دوغماسینی گؤزله‌یيرديم … اوندا من اولدوزلارا «ونگوگ»1 رؤیالی، «بئنديت»2 نفس‌لي شئعيرلريمي رسم ائدرديم و آیا  «سيرات»-ین3 شيرين سسي ايله سئوگي نغمه‌لري باغیشلایاردیم. گؤزیاش‌لاریم‌لا قیزیل گؤل‌لري سوواراردیم، تيکان‌لارینین آجیسی، لئچک‌لری‌نين شيرين- شيرين اؤپوشو جانیما سينسين- دئیه.

تانریم! اگر بيرجه پارچا عؤمروم اولسایدی، سئودييم اينسان‌لارا: سيزي سئويرم دئمه‌دن گونلريمي کئچيرمزديم، بوتون کيشی‌لر و قادینلاری اؤز سئوگيمه ايناندیراردیم. سئوگيیه ساریلیب سئوگي قوینوندا یاشایاردیم. اينسان‌لارا گؤستره‌رديم کي، قوجالیق‌دا روحدان دوشوب سئوه بيلمه‌یه‌جگ‌لرينه ايناندیقلاری اوچون یانیلیرلار. اونلار بيلميرلر کي، قوجالیق اونلارین سئوه بيلمه‌ديک‌لري آنلاردا اونلاری حاقلایا بيلر. کؤرپه‌لره ايکي‌جه قاناد وئریب و بوراخاردیم کي، اوچوشو اؤزلري اؤیرنسينلر. قوجالاری ايسه باشا سالاردیم کي، اؤلوم قوجالیقلا یوخ، اونودقان‌لیقلا گلر.

 آخ اينسان‌لار، اينسان‌لار! سيزلردن نه‌لر، نه‌لر کي، اؤیر‌نمه‌ميشم. یاخشی بيليرم کي هامی زيروه‌یه دوغرو جان آتـیر، بونو بيلمه‌دن کي، اوغور اونلارین اللرينده کي اؤلچولردن آسیلی‌دیر. یاخشی بيليرم کؤرپه، او تومبول و یوموشاق اووجوندا ايلک دفعه آتاسی‌نین بارماغینی سیخارکن، آتانی عؤمورلوک تورا سالیر. اينانمیشام کي، اينسان او زامان باشقاسینا اوجادان باخماغا حاقلی‌دیر کي، او آدامی اؤز آیاق‌لاری اوسته دایانماغا، یوخارییا دوغرو قالخماغا ايناندیرا بيلسين.

من سيزلردن چوخ شئی اؤیر‌نميشم. نه یازیق کي، آرتـیق، اونلاردان یارارلانا بيلمه‌یه‌جه‌یم. چونکي، اونلاری چمدانـیما یـیغارکن اؤلوم‌ده مني حاق‌لایاجاق!

2 پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *