ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

himmet shahbazi
فارس شعریندن چئویرمه‌لر
چئویرن: همت شهبازی

 احمد شاملو

او کی سئویرم دئییر
سسینی ایتیرمیش
اوزگون بیر اوزان‌دیر.
کئشکه
سئودانین دانیشماغا دیلی اولوردو
مین شن توراغایی
سنین گؤزلرینده
و مین سوسقون بولبول
منیم بوغازیمدا.
کئشکه
سئودانین دانیشماغا دیلی اولوردو
او کی سئویرم دئییر
آیلی گئجه‌نی آرایان
بیر کدرلی گئجه‌نین اوره‌یی‌دیر
کئشکه
سئودانین دانیشماغا دیلی اولوردو
گولوجوکلو مین گونش سنین اورکک سَه‌کیمه‌یینده
آغلار مین اولدوز
منیم ایسته‌ییمده.
کئشکه
سئودانین دانیشماغا دیلی اولوردو

بهاره رضايي

ياشاييشينا گؤتوردويون
بو سورعت
مني قورخودور.
اَييلديم و اؤزومو سينديرماغيمي گؤرمه‌دين.
بو اويونون
احتياط اويونچوسو من ايديم.
سن هر گون
گول (qol) ووروردون،
و جغرافياسي سنه عاييد اولان
تاريخين باشينا بير گول (gül).
و بير گول ده قيزيميزين باشينا
غزل…
هميشه
مئيداندا سن اويناييردين
اويونون حاکيمي اولدوم
سنين خئيرينه فيت چالديم
فيت چالديم
قاتار گئتميشدي
ايندي جرمه مئيدانچاسينا
ياخينلاشيرام
بيرآز دا ياخين گل!
گل!
ماوي دوزلو سويونون داش جين‌لري نين قوخوسونا قدر
چوخ سئودييم اوکئاندا
اوزوم من…
احتياط زامانيندا
سن هئي پئنالت جرمه‌سي تعيين ائتدين
و جرمه کارتي
منيم پوشگومه دوشدو
و منيم ايلبيز داورانيشيم
سنه دوغرو باشلادي
و يئرآلتي ياشاييشيم
سنينله فورمالاشدي.
هر گون
ائوه آينويون آليرديم
اوجو سنه چاتان لاغيملارا دوغرو گئده‌رک.
سن ايشله‌ييردين
منيم اته‌ييمين اوزرينده کي
ميرواريلار چوخاليردي.
ايندي داها اؤزونو ايتيرمکدن قورخما
يئل ايچينده
يامسيلايان کؤلگه‌لردن قورخما…
من ده داها سندن نيگاران دئييلم
سني منيمسه‌يه بيلمه‌ديم
گيروو توتوم‌مو سني
من يالنيز
بير يئني نفسلي هجومچو اويونچويا
احتياجيم وار ايدي
سنينله دولاشان طاعون خسته‌لييي
بير يئرده قورتارمالييام
داها آرخامجا گلمه
قاييتمالييام
ائژه دنيزي‌نين ساحيلينده
سويون آلتيندا
سو آلتي گميده اؤلن کيشي
منيم پاييم ايدي…

یک پاسخ

  1. ایکینجی ترجمه چوخ گؤزل دی. اؤزو بیر شعردیر. یئنیدن شعری بلکه ده شعردن گؤزل یئنیدن یارادیلیشدیر.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *