مندن نه قالیبدی
مینلر آرخاداشی خاطیرلایان بیر جان‌دان
و منی
آددیم با آددیم اووسونلایان آغیر بیر کدردن باشقا!
تکی بیر چاپقین دئییلدی کی!
من بوتون یول‌لاری چاپیلدیم
و بوتون گؤزلری آغلادیم.
زمی‌لرده سونبول یئرینه اوراق بیتیردی،
و گولوش بیچیلیردی؛
و من بوتون قوزولارلا قتلگاها گئدیردیم
و دونیانین بوتون فریادلارینی-
بیر “آه”دا بسته‌له‌ییردیم.
هر ایلدیریم بیر پارچامی اوغورلادیقدا
مندن نه قالیبدی
تکجه میضراب داغیدان چیلپاق بیر روحدان باشقا؟!
مسعود آذر
ب. صابری
چئویرن: مسعود آذر
ترجمه: مسعود آذر
سسلندیرن: مسعود آذر
- شعر
- اوخوماق زامانی: < 1 دقیقه
- https://ishiq.net/?p=7714
ب. صابری
چاپ
یک پاسخ
چوخ سئویملی وداها گوزل