ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

غربت نغمه سی
میانالی علیرضا

او باهار نفسلی گنجللیک ایللریم
قالدی گؤر نه قده ر مندن اوزاقـــدا.
غربتده یایدادا اوشویور الیــــم
اوشومک بیلمزدی قاردا، سازآقدا.

ایندی او گونلردن نه قده ر اؤتوب
دییشیب چوخ شئیین دادی، لذتی.
غربتده دوشورسن دیلدن، داماقدان
بعضا سئچنمیرسن بالیقدان اتی.

بعضا ائله اولور، ائله اولورکی،
هئچ نه یه، هئچ یئره هوسین اولمور.
بعضا ائله اولور، ائله اولورکی،
گره کلی ایشـه ده نفسین اولمور.

بوردا عادی سؤزله دوشمن اولور دوست
سانکی بو دوستلوقلار بیر توک اوسته دی.
کئچمیشی اولمایان هر شئی بئله دی
اوردا هر نه وارسا، وار کؤک اوسته دی.

ائله اونا گؤره لاپ قیرام- قیرام
اؤزونه سن حؤرمت، شان قازانیرسان.
ائله اونا گؤره هر بیر کلمه نه
بؤیوکدن- کیچیکدن جان قازانیرسان.

اودور ساختا ایشه جرعتین اولمور
شهرده- کوچه ده تانیییر سنی.
آزینی، چوخونی تئز گؤرور هامی
ان عادی سهو اوسته قیناییر سنی.

بورا باشقا یئردی، اورا باشقا یئر
بو فرقی دویاجاق هر دؤین اوره ک.
گزیب آختاردیغین یولی، ارکانی
آراییب تاپماغا جیغیر، ایز گره ک.

بوردا نه جیغیر وار، نه ده کی، ایز وار
سنی ایره لییه گؤتوره بیلسین.
آخی کؤنول آچان نه ده بیر سؤز وار
سنی آیدینلیغا یئتیره بیلسین.

باهار یاغیشیندان سونرا گؤیه رن
گؤبه لک کیمی دیر بوردا اوجالماق.
اودا کی، شبهه سیز نئیله سن اولماز
بئش گونلوک عؤمورله یئتگین قوجالماق.

اوردا جیغیر تانیش، ایزده تانیشدی
ائله بیل او یولی اؤزون چکیبسن.
ائله اولماسادا، ائله گلیرکی،
ایلک دفعه سن اؤزون اوردان کئچیبسن.

بوردا هامار یولدا باتلاق کیمی دیر
بئش آددیم ایره لی گئدن تاپیلماز.
آخی هامی بیر یوخ تک- تک دی بوردا
اوداکی، تک الدن هئچ بیر سس اولماز.

ان عادی داش سنه اوردا یولداشدی
بیلیرسن او هانسی قایادان قوپوب.
ائله بیل او داغلار سنه قارداشدی
هاواسی جانینا، قانینا هوپوب.

دنیز کناری نین آغاجلاری تک
کؤکی اوزده اولور بوردا هرنه یین!
بلکه ده بو خصلت تورپاقدان گلیر
کؤکی درین اولور اوردا هرنه یین!

2 پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *