يالقيزليق
ع.ن.چاپار
يارپاق بوداغا باخمادي،
بوداق آغاجا.
يارپاق بوداقدان آيٌريلدي،
بوداق آغاجدان.
آغاج تك قالدي،
ياريلدي اودون كيمي! …
ايندي داها آغاج دئيٌيل،
بير ياناجاق‌دير!
يارپاق،
بوداق،
آغاج-
آیٌريشديلار.
كؤك تك قالدي،
يالقيزجاسينا.
تورپاق قالاندي اوٍستوٍنده،
داش ساليندي،
آسفالت چكيلدي.
ايندي،
باتـير …
تاپدالانير آيٌاقلارين آلتـيندا كؤك!
يارپاق،
بوداق،
آغاج،
ناغيل اولوب ديليميزده!
اينانيريق سوندا، داها-
افسانه تك- اونا-
بيز ده! …