بیر تیکه یاوان چؤره‌یم،
دار کئچیرم داش بوغازدان.
قان ایچیرم یوخسولونان،
اَل اوزورم بوش بوغازدان.
بیر نامردین سورفاسیندان
بیر ایگیده اوخ آتیرام؛
بیردن بیره قودورورام،
بیر قورساغا یوخ اولورام.
دَلی قانلی بیر اَره‌نین
اَل- آیاغین باغلاییرام.
گون اولور اؤز تاباغیمدا
آجلیغیمدان توخلاییرام.
اودقونورام تیکه- تیکه،
کوت گئدیرم تندیرلره.
کَسیلیرم پارچا- پارچا،
تؤکولورم کندیرلره.
دونیا منه مؤحتاج قالیر،
من دونیایا شاه اولورام.
یئری گلنده آی «توفان»
من چؤره‌ک آللاه اولورام.
1403/5/8
