غزل
مقصود تقي زاده هريس(نيسگيل)
ساري گونشلي، ايليق دويغولو پاييز كيمي‌يم
بوراخ مني دلي عشقيم بير آز آليز كيمي‌يم
خيال ساچيم يئنه‌ده پيرتلاشيب دويون دوشموش
بوجاقلارا سيخيلان كندلي خيردا قيز كيمي‌يم
او سايريشان اومود اولدوزلاريم سؤنوب بير- بير
دومانلي يولدا قارانليقدا لامپاسيز كيمي‌يم
سيزين تك آي ساري يارپاقلار، هر نه‌ييم ساري‌دير
خزل- خزل آياق آلتدا اوغولماغيز كيمي‌يم
هر آندا چيرپيليرام تورپاغا، داشا، دووارا
پاييز گونو كوچه‌ده يئل قووان كاغيذ كيمي‌يم
باهار بوياقلي هارايلار بوغولدو سينه‌مده
خزان الي‌له قفيل باغلانان آغيز كيمي‌يم
مني ساعات كيمي بختيم چكير دالي قاباغا
يامان گيجلله‌نيرم، يوخسا واختيميز كيمي‌يم…
یک پاسخ
یاشاسین نیسگیل!