گؤزلرین محبت دنیزی
سسین حیات رمزی‌دیر؛
من گؤزلری‌نین درینلیینه جومارکن
سن دانیش، سؤزه گل
سسی‌نین آهنگینده گله‌جه‌یی گؤرورم!
حیات گؤزل‌دیر گولنده گؤزلرین
روحوم دینجه‌لیر‌ سن دانیشاندا،
سن دانیش، سؤزه گل
قوی گولسون بنؤوشه‌لر
زانباق قوخوسو بوروسون دنیامیزی!
سن گول،
قوی لاله‌لرین رنگی یاناغینا هوپسون!
سوسما، دانیش
قوی تنهالیغیم سورگون گئتسین
و من سنسیزلی گونلره الویداع دئییم!
دانیش
سن دانیشدیقجا
گؤزلرین دونیامی بزه‌ییر،
و ساچلارین پریشان اولدوقجا
آلیر کؤنلومدن پریشانلیغی.
سن دانیش
و من
گؤزلری‌نین
دنیزینده بوغولوم….!