یئنه سنسیز بو پاییز پارچالاییر گونلریمی
سانجیلانمیش قارا یئل ییرقالاییر گونلریمی
بیر داغ آغلار نئچه نیسگیل دولاشیر قاش- قاباغیم
کؤلگه بورنوندا قوجا قورد اولاییر گونلریمی
چارپاشیق پیرتلاشیقا پاپیون اولان پینتیلَرم
یاراماز یارماجالار خیلخالاییر گونلریمی
جانی پاپریز چکیرم جیبلری بوش دام دووارا
یخیلیر بیر نئچه ائوجیک جالاییر گونلریمی
دلیسوو آندیما باخمیر بو سوبای طنطنهلر
یئنه بیر دردی قوچاق بالتالاییر گونلریمی
قیوریلیر بیر گونئی اوغلان منی گؤز یاشلارینا
گوللهلنمیش جَسَدم قان یالاییر گونلریمی
«توفان»ین تانریسی یانسین منی سنسیز یوخ اولور
پاییز اووجوندا مزار ایمضالاییرگونلریمی
1404/۷/۱۷
توفان قاراداغلی
چئویرن: توفان قاراداغلی
ترجمه: توفان قاراداغلی
سسلندیرن: توفان قاراداغلی
- شعر
- اوخوماق زامانی: < 1 دقیقه
- https://ishiq.net/?p=37349
چاپ
