گئجهنین شیفرهسینی
سوروب سوروشدونمی؟
او دا مندن کی،
هاردا بنده چکیلدیییمی ده اونوتموشام
و گون یوخدورکی یادداشیم
گوللهیه باغلانمایا
و خاطیرهلریم قامچیلانمایا .
بدنیم چئوریلیب
تارلادا کی بیر قوشقووانا کی،
باریش گؤیرچینلری ده
مندن قورخورلار.
باریش دا
بیر ظارافاتا اوخشور
اوندا کی ووجود
سورگوندهدیر.
گؤزلریم قفسه معتاددیر
و آزادلیغی،
اؤلومو و یولو
جیزما قره گؤرورم .
گئجهنین شیفرهسینی
سوروب سوروشدونمی؟
فیکرین، خیالین لاپ راحات
داها دامارلاریما
اونودقانلیق تزریق ائتمه
من اسیرلییه
چوخداندیر بولانمیشام .