آجی‌دیر،
دوداغینداکی اؤتری گولوش آجی‌دیر
سویوق اَینین یاخین
بوش اوره‌یین اوزاق
سویوق اَینین قیش‌دیر
بوش اوره‌یین قار ائوی
اوشویورم بوش ائوینده
دوداغیندا دونورام
نفسین اوشودور،
آغ آپپاغ اَینین یاندیریر منی
یانیر دوداقلاریم اَینینده
ایز سالیر باخیشلار
قار ‌یوموشاقلیغی ال‌لرینده
آغ
آغ
آغ آپپاغ بیر اَیینده
قیپ-قیرمیزی بیر اؤپوش
بیر سئوگی اوُلوسو،
آجی گولوشده
بیر آغ اَیینده یاندیریر سازاق
بیر کؤز دوداقدا دونور اؤپوش
بیر بوش اوره‌کده قویلانیر سئوگی
…
آجی‌لارین اَینیمده‌دیر
اوُزون اوزاقدا
یاخینیندایام،
یانیرام ایتگین اَینینده.