پاییز پیچاغی دوغراییر منی
بؤلوشدورور کدر قوناقلیغینا
آخشاما گؤزلریمی بیشیریر،
شاما رؤیالاریمی؛
دَریمدن بوغچا باغلاییر اؤزونه
اَتیمی یاراسینا باغلاییر.
پاییز دوغراییر منی
نار بیشیریر اوره‌ییمدن،
اَریییر اوره‌ک یاغیم
قیشینا ساخلاییر منی
اَلیمی ایتینه آتیر،
دیلیمی چاققاللارا
کیرپی توتور اَلَنگمده.
پاییز اوینادیر منی
یارپاق-یارپاق آزالیرام
دریلیرم سالخیم-سالخیم
بار کیمی دیلیملنیر دیلیم
اؤلورم آیاق اوستده
پاییز قویلاییر منی…