سئوینجی،
ایت آغزی آپاریر
منگله‌لی کیپریکلر بیچیر،
اینجی سئویش ساچینی
یاشیل‌گؤزلو یاز، لوش
سومسَک یاللی‌قورد، آج
بوش اللرده پارا
شه‌هر گؤزونده چارشی،
چارشی‌دا ساتیلیق یاشام…
گؤز قوروقچو
سس، پیچاق
تئل، ایلان قیوریمی
چؤره‌ک، اؤژ دیلی
تئل قیریق،
چؤره‌ک قیت
سس‌سیز پیچاق اویناق
شه‌هر آلانی باغانلیق
اوزاق بادیشلار گؤز قده‌ر یاخین
یاخین قوروقچولار نَفَس قده‌ر اوزاق
یاخیندا، سن: آسلاق
اوزاقدا، من: اؤلو
رَزه‌سیز تورپاق قاپی، باغلی.
