آیاق یالین گئدیردی
تیکان باتیر، باتسین
چینقیل کسیر، کسسین.
قوردون سسی
سو سسی دئییلدی
آی قارانلیقدا گیزلنمیشدی.
الین چکیب قاراسیز ساچینا
تاریخی سیغاللادی بیر آز
تاریخ ده منیم ائولادیمدیر، دوشوندو،
طالعیمیز عینی.
ائولادینی سوراغلاییردی
سورغولاماق ایسته ییردی ملک الموتی
دئمیشدین ناحاق قان یئرده قالماز:
دینمه‌یه‌نین گؤنون سویدولار
دینن اولمادی.
آدام وار یوخوسو
تره‌زی یوکودور.
۱۴۰۳/۰۱/۱۴
