بو چتیندن چیخماغا،
ماوی‌نی گؤی اوزوندن
ائویمیزه گتیرمه‌یه،
یارالارینی بایراق ائدیب
آجیغینی دانیشمالیسان آنجاق.
یاغیشین بارماغیندان یولا دوشن
یاشیل زومزومه‌لر
گؤیرچینلشمه‌سه
شعریمین بوغازیندا دویونله‌نن کیتاب‌لار
توستو- دومان ایچینده بوغولاجاق،
سؤزجوک‌لر ایسه
بیر ایشه یارامادان
شعری بوتونلوکله باغیشلایاجاق
قیسا بویلولارا.
حیات یوخودان اویانمادان اول
قانینا بویانمیش گونش
آغی‌لارین چیینینده گئدیردی،
سن ده قالمیشدین باخا باخا
آغیر گئدن کروانین
الی یالین سکوتونا.
انتظارا سون قویماق
یول‌لارین بورجودور
انتظار یئترینجه دئییل آمما.
۱۴۰۲/۱۲/۱۰
