گؤزلرین حاقلی‌دیر
انالحق سؤیله‌مه‌یه
کایناتی فیلسوف دئیه‌ن دیل دئییل
خیضیر پیغمبرین چشمه‌سینه کؤلگه سالان
دیل بیلمز گؤزلرین یارادیب.
آلمادان، بوغدادان واز کئچ
گؤزه‌للییین دیر، جهانی
دلی‌لر کیمی
چؤللرده سرگردان قویان.
نه گون بیلیر نه کیمی‌لییینی
نه یئل
نه یاغیش.
حیات بیته‌جک
بیتمییه‌جک آمما
کیمیلییینه عاید اولان سورغولار.
اؤدولسوز گؤزه‌للییین
ونوس‌دان اوجا دورور
چراغباندیر نار باغین
حیاتین چیراغی یانان گوندن.
اؤیرت منه
نفسیمه یول آچمیش پاییزا رغمن
اؤله بیلمه‌سم ده
یوخوسوز قالا بیلیم سندن اؤترو.
یول آچ
یادداشیمین قارانلیق قاتیندان
جوشوب داشان دلی دویغولارا
یوخسا بونجا وار دولتین نه فایداسی؟
۱۴۰۲/۰۸/۳۰
