چئویرن: میانالی علیرضا
ترجمه: میانالی علیرضا
میانالی علیرضا

بو گئجه یوخوما حرام قاتمیشام؛
بو گئجه یولدایام گؤر هاردان- هارا.
آرزو، ائله شئی‌دی سرحد تانیمیر؛
امید دوشرسه ده لاپ داردان- دارا.

بو گئجه گؤیده‌یم یئرده دئییلم؛
بو گئجه قانادلی قوش کیمی‌یم من.
خیال اولماسایدی منیم همده‌میم
دئیردیم بیر پارچا داش کیمی‌یم من.

بو گئجه گؤر نئجه دؤیور اوره‌ییم؛
بو گئجه ائله بیل اون دؤرد یاشیم وار.
ائله بیل غربتده تک- تنها دئییل
دؤورمده نه قده‌ر دوست، یولداشیم وار.

بو گئجه کپه‌نک قانادلی‌یام من؛
بو گئجه اینجه‌دی دویغولاریم دا.
دوزدی کی، چوخداندی باتیب قالمیشام
من اؤز توخودوغوم اویغولاریمدا.

بو گئجه گنج‌لشیب دوشونجه‌‌لریم؛
بو گئجه سیخیلماق مندن اوزاقدی.
ائله بیل «گون‌دوغدی» یایلاغیندایام،
یورولوب داریخماق مندن اوزاقدی.

بو گئجه سهنده قوناق اولموشام؛
بو گئجه کئچمیشم من ساوالاندان.
هئچ نه ده‌ییشمه‌‌ییب، هئچ نه!– من یئنه
اونلارا باغلی‌یام اوره‌کدن، جاندان…

بو گئجه یوخوما حرام قاتمیشام؛
بو گئجه یولدایام گؤر هاردان- هارا.
آرزو، ائله شئی‌دی سرحد تانیمیر؛
امید دوشرسه ده لاپ داردان- دارا.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بو گئجه

میانالی علیرضا
www.ishiq.net

آذربایجان ادبیات و اینجه‌صنعت سایتی

بو گئجه

میانالی علیرضا
www.ishiq.net

آذربایجان ادبیات و اینجه‌صنعت سایتی

بو گئجه

میانالی علیرضا
www.ishiq.net

آذربایجان ادبیات و اینجه‌صنعت سایتی