بوغازیمدا قیزیل گول
گؤزلرینین سونگوسو الیمده
سنی
یاشییرام
سنی
پیشیک بالاسینی داشییان کیمی دیشیمده
داشیییرام
سنی ائو ائو
سنی قاپی قاپی
سنی بوتون دوستاقلارین ایچینده باراما
بئجردیرم
سنی یاشیییرام دده‌م!
سنی قیریمیمین گؤزلرینین ایچینده باغیریرام
سنی دیلیمی قیسیتلایانلارین اوزونه توپورورم
سنی سئومه‌ینلریمه سؤیوش سؤیورم
سنی آچاریمدا چیخاردیرام
سنی قاپیمدا آچیرام
سنی اوتاغیمدا سویونورام
سنی سئوگیلیمله سئویشیرم دده‌م!
سنی ایسته‌سه‌لر ده
سنی ایسته‌مه‌‌سه‌لر ده
سنی ایسته‌ییب، ایسته‌مه‌‌سه‌لر ده
سنی یاشییرام دده‌م!