اؤلورم لئشیمی داغلار اولاسین،
آتین جنازه‌می تورپاغیم یئسین!
قوردلار نامازیمدا یاز قوجاقلاسین،
قویون یئللر منه روباعی دئسین!
سومویومده بیتسین توپال عزراییل،
اوزرلیک کوللاری سیزلاسین منی.
قیندیرقالار یاسلی، قوشلار آسیلی،
اَنیک جاناوارلار بوزلاسین منی.
قورویان بولاقلار یارا، یارغانا
جَسدیمدن بیر آز قارقیش دؤشه‌سین.
گوروما بولودلار بَله‌یین آچسین،
مزاریم اوستونه گورشاد ایشه‌سین.
اوره‌ییم بولاقلار یوواسیندادی،
یارپیزلار گودورلر منی یئسین‌لر.
بوکورلر پامبیغا شهید شعریمی،
کَسیرلر باشیمی «توفان» دئسین‌لر
۱۴۰۱/۹/۲۷ – تبریز
