آغاجین گوناهی نه‌دیر؟
بویلانیب باخماسین، نئیله‌سین؟
قوشلارین عنعنه‌سی
سن گئدن یئرلرین هامیسیندا
درسلیک اولوب، اوخونور.
باجارسان بو یئرلره چوخ گل
ییخیلمیش کؤرپولری یئنی‌دن قورماغا
ال‌لرینین یارپاق احوالاتی
گره‌ییمیزدیر.
گئجه‌نی قاتیبسان گؤزونون گیله‌سینه
سیرلی بیر دونیا یاراتماق اوچون.
ایندن بئله شعرین بیر وظیفه‌سی ده
قارانلیغی پرستش ائله‌مک‌دیر،
قورخونو شارابا قاتماق.
انتظار جانا گلیب
یولونو گؤزله‌مکدن
دوغول مملکتین الی بوشا چیخان زامان!
۱۴۰۲/۰۷/۱۱
