۱- ایکی دنیز
ایکی دنیز قووشاغیندا
بویاشقار گؤگ قورشاغی آلتیندا
گولحانه پارکیندا اوتوروب
ایللرین
یوز ایللرین
رؤیاسینا دالدیم….
محمدجمیل بیگ پولیسی گؤردوم
الینده تاپانچا
اوچ فرانسه سربازینی قاوالیردی:
«تورک قادینینامی توخوشورسوز؟…..»
ناظیم حکمت
اوجا بیر چینارین آلتیندا
سول دوشونجه‌لرین قاتیندا
ساغلام بیر سئوگی شعری یازیردی:
«اوتورموشام گولحانه پارکیندا
نه سن منیم فارکیمداسان
نه پولیس فارکیمدا…»
استانبول/ گولحانه – – ۲/۵/۱۴۰۲
۲- مرمره
مرمره‌نین اوزه‌ریندن بیر نسیم گلیر
اوچماق کولک‌لریندن‌می بیر اسیم گلیر؟
بالقونومدا دئوران ائدیر دنیز قوشلاری….
او قوش‌لارلا بولوشماغا
اوچوشماغا
دالغالارا قووشماغا
هوسیم گلیر
مرمره‌نین اوزه‌ریندن بیر نسیم گلیر…..
مودانیا – ۲۸/ ۴ / ۱۴۰۲
