یئنه آغری‌لار منیمدی، او قده‌ر کی آغلامیشدیم
سنی من سطیرلریمده اوزومه واراغلامیشدیم
بو کؤنول یامان سیخیلمیش قان آخیر یئنه باخیشلار
یاناغیم آیاق یئرینده، یئرینی دوداغلامیشدیم
بو گؤزوم قنوتلو آه دی،گیله‌سی قارانلیق ایچمیش
باخیشی اسیر گئدیردی، اته‌گین قوجاقلامیشدیم
هله‌دیرخاطیرلاماقدا، قولاغیم ایچیردی سنسیز
قارالان واراقلاریملا، قلمی پیچاغلامیشدیم
کوچه‌مین بوجاغلاریندا دولانیردی آه‌لار هرگون
پاییز اولموش اللرینله کئفیمی داراغلامیشدیم
شهید اولدو آرزولار اوف، دووارین سسین ایچیردیم
سنی من نامازلاریمدا ندی کی اوجاغلامیشدیم
سحرین او دان چاغیندا اوزومه تابوت چکیردیم
ائله بیل بو دویغوم اوسته مزاری اوتاغلامیشدیم