دؤشون – آغ دنیز
بوغاز کؤرپوسو – سوتین قووشاغی
قادیرغالی
حربی دونانمایلا دولو
بوغاز آلتی لؤوبری
گؤیرته‌سینده جوت توپو
ارگن‌لییین جیفت بوغازی
باخان دونور، بوغازی قورویور
ال‌له دولور هاوالانیر
تام شیشنده؛
قالای آخیر
قالا یاخیر
قالا ییخیر
قالایا خیر
شیشه چکیر قالانلاری
بوغازلاییر
بوغازینا ساخلاییر
بوغاز آچمیش، آج گؤز بوش‌بوغازلاری
دؤشون اورک قابین
اوره‌یینین بنیزی، باشماغی
هم قارادیر هاواسی، هم دنیزی
اوره‌یینه گئدن یولون
قارانلیقدا ایینه اوجو بویدا ایشیلدایان ایزی
سوت ایچن امزییی
سوت یئین بئزی
امجک قابین
دؤشون ائوین ائیوانی
نه ال چاتیر، نه آیاق
اویمور هئچ نؤمره‌لی آیاق
پینه‌چی‌سی خفیّه-
ساتیر «اوزویومون قاشین» چالان پییانوچونو-
اله وئرن تلیس قدر کاغیذا- کوغوذا، سنده، آکتا
چالانلاری اوغورلاییر هه‌‌بس‌خانایا
فرق ائتمه‌ییر: کوْنتراباس، اورک، دیلک، چؤرک
هامی‌سینا بیر گؤزله eye oneدان باخیر،-
یوخاری‌دان
دؤشون
آغاجدا هئیوانین دَیمیشی
ساپیندان آسیب حئیوانین ارمیشین
داشینار املیک
دیرناغا یامانان شوش دیرناقلیق
ماشینا جک
غلطی توتولموش کاغیذداکی لاک
قوللانیلمامیش اورون
کؤروک‌لنمیش بورون
بؤرکو باشیندا آغا
عطیرلی، پودورلو چاغا
یازیلمامیش آغ چئک
یئییلمه‌میش،-
نایلوندان چیخمامیش آک
دؤشون ان دادلی چیبان
دؤشون یارا ایزی
گؤوده‌نین گؤزو
زیریلتیلی قوناغین ایکی گؤزو
ایسکانین، چاینیکین قولپو
جییاریمی پؤشته‌ین
کؤمورون ایکی کؤزو
سووا یاتمیش سرت تورپاغین
جوته باغلانان اؤکوزو
اوزون یول ائرکک قوخویان اوتوبوسون
ایکی قیزی
ساوالانین ائکیزی
دؤشون دوشون فوتبول مئیدانچاسی
آپاچی‌نین له‌لک تاجی
جاناوار توکو
وامپیرین پارالئل دیشی
باربی قادینلارین هر شئیی
دیش باتماز
گؤز اوخشاماز
دؤشون داشین
کلم داشین!
قاپیدان توپ کئچیرمز
لویی یاشین
دؤشون قاراداغین اوچ‌قارداش داغی
بابک قالاسی‌نین مئشه یولو؛
توکنمه‌ین داغی
یاماجی‌نین توپا چیغی
دؤشون ماغارا
قالیب آغارا آغارا.
کؤپوک‌لنمز آغ آراق
وینچئسترین کالیبری قدر قولله‌سی
قوبوستانین قایاداکی داشلاری
هم اسکی‌دیر،هم یئنی
دؤشون آغیز امزییی
قوخوسو گنزییین اویوشدوروجوسو
قوخو سووا قالا- قالا قالما قالا
بو گؤزلری کیم تیکر
دوشون دؤشون!
دوشون داشین
بوزقیریمین گنگیزی…
