سئودیییم ان گؤزل نسنه میکروفون
بکله‌دیییم ان ماراقلی گؤنده‌ری بکله‌مه‌دیییم پوچت قوطوسودور
داها یازمادیغیم دؤنم‌لرده بئله یانلیشلیقلا آدیما گلن درگی‌لر اولموشلوغو اولوب بیر-ایکی کره
بلکه ده ایندی‌کی سئوگیم اوندان‌دیر
حوزونلو یابانچی موزیک‌لری
بیر او قدر داها دینامیک‌لرینی سئویرم
اوْرتا یول من‌ده تیخالی
کیمسه‌نین اومورسامادیغی چاره‌سیزلیییم‌ده داها راحات اولورام
اولمازین سرت قوشوللاردا کیتاب اوخومایا چالیشیرام
بونو یاشام ائدیندیییم قالسین بیر یانا
اوستو ‘آچیق آرتیرما’م سان یازیلان یازیلارا
ییغینجاقلارین اوخویوب اوینایان جوشقولولارینی بَیه‌نیرم
سئویم‌سی دئییب، دانیشان، ناغیل، یوُمور یوکلو باشا گلدی‌‌لردن سؤیله‌نن‌لرینی ده
ایلگیمی چکن آنجاق دوُیارلی‌لار ایللوزی‌یالی‌لار اولوب بوراجاق
تکجه گؤزل‌لییی اولانلار دئییل
جسورلاری نه ده اولسا گؤزومده باشقا توتموشام هر زامان
اونلارا بیر سورو دیزه بوردا آییرماما دَیَر
شاعیرلرین شعردن شعره دییشکه‌نینی داها چوخ اوخومایا چالیشیرام
اینسانلارین حالدان حالا دوشه‌نینی بیر هاوادا اولمایانینی یئی‌له‌ییرم
خوُیون دلی اَسه‌نی‌نی هر هاچان نه ائده‌جه‌یی‌نی کیمسه کَسدیره‌مه‌یه‌جه‌یینی
شارابین روْژون یاناغین قیرمیزی‌سی‌نی
بوْیادا سا نارنجی منی چوخ چکیر
‘هر توره چئشیده ائشید داورانانلارا’ چالانینی توتانی
دیلین اورک-دیرک‌وئرن دادلی‌سینی، اورتایا یول قوْیانی‌نی، میسماییب، آدی سوْی آدی ‘اَل آت’ اولانی‌نی
دردین ایچینده دینله‌دیله‌نی‌نی، سئوینجین گوُر آخانی، دامارین قالینی‌نی، قاباریب گؤرسه‌نه‌نی‌نی، گؤیه‌ریب دوُرانینی
هر شئی‌ین اورجینالی‌نی اؤزل‌لیکله یازیلارین
یاخینیمداکیلارین گرکدییین‌ده کارا گله‌نی‌نی
ائوین اینسان‌گؤرموشونو، یاشامیشلیغی اولانی‌نی، خاطیره بیریکدیرمیش باغچالی، حیطلی‌سی‌نی
فیلمین موزیک‌سیز گئده‌نی‌نی، دوغما، داها سس-کوی‌سیز چکیله‌نی‌نی چکه بیلیرم گئنلده سئوگی کیمی
رقص‌لرین تومونو اؤزه‌نیرم، هالایی بیرآز چوخ، هله هالای‌باشچی‌سینی اؤلومونه اؤزومسه‌ییرم
ماهنی اوخومایی، شعر، رومان اوخومایی هر شئی‌دن چوخ ایسته‌ییرم
سئوگی اؤزله‌مینی، آلیرام دا ساتیرام دا، بو منیم کریتئریمه اوُیماز، اوُیمور
جانین پارالاناجاغی، ایچی ایشارداجاق ان دَیرلی شئی بو
ایسته‌دیم ایسته‌مه‌دیم چَکیلر
شعرلری شلاله شیرراغان شاعیرلر، بیر کره، دیرک جانین اؤزودولر کی وار
قایالارادان اَله سو تؤکورلر
اوره‌یه سو سَرپیرلر، بوزون کیف کَسدییی چاغدا
بو اوزون آییشمیشلیق دورتوشمه‌سی‌نین وئری‌سی‌نین سونوجودور اولاردا
کیتاب‌داکی کاراکتئرلرین آنلاییش گؤسته‌ری‌سینه چئوره‌ده‌کی کاراکتئرسیزلردن بیرآز چوخ اوُیور قافام
اونلاری داها دوغما، دوغال ساییرام
سرگی‌لرده میخدان آسیلمیش آغاجدی، غملی، چول‌سوز، گَریلمیش آدامدی رسم اولاجاق، آنلام قالدیرماز یاپماجیقلارا آلینیرام
ساریلمایی اویقارلیغین اَسن‌لیک‌دن اسنک‌لیک‌دن اؤنجه‌کی تراپی‌سی سانیرام
حاییف یایغین دئییل بیزده
اؤدوللنمه‌میش رافیق تاغی’نین آدینی بئینیم‌ده نوْبئل اؤدوللو یازیچی‌یا قازیمیشام
‘فاویسم’ی رسمه داها یاخیشدیریرام
خسته‌خانا یئمه‌یی هر کسه ترس هله کی بوراجاق رئستوران یئمه‌ییندن داها دادلی گلیب داماغیما
چوخونون بینمه‌دییی دومانلی چیسکینلی هاوالاری اوستون توتورام، تک فرقله یاغیب دامیمیزدان سیزیب ائوین گجینی تؤکمه‌یه دؤشه‌مه‌یه تاواندان
بیر رومان‌دان اوْبیرینه آتلا قارتال قاریشیمی پگاسوس’لی اوچوش چاپیش گزینتییی داها چوخ اوره‌ییه یاخین بولورام
لوفتهانزا’یلا ایرباس’لا سوسلو پوسلو گؤستریشلی دونیا دولانیشینی دئییل
گئچمه‌ین گئچمیش گولوش مایالی آرخاداشلاریمی یازی-پوزوما گیریش پاسپورتو بیلیرم
بوراجاق آیاقدا ایسک اونلارین شوْتونادیر
آنالارین آجیقلی قیییماز بَرک باخیشلاریندا اکدیم همه‌شه یئشیل تک زیتون آغاجیمی
قالانی هاوادیر
یازیلاریمدا بیری‌سی‌نین حاققینی بیله بیله یئییرم سانیرام
نیسگیلی ایکی آددیم ایره‌لی‌ده تسبئح چئویریر
اونو نه ائده‌جه‌یم بیلمیرم
آچیقلاما:
-پگاسوس: یونان افسانه‌سینده قانادلی آت
